रुपन्देहीमा छिमेकी महिलाको हत्या आरोपमा १५ वर्षीय किशोर पक्राउ

 ज्ञवा संचार | २०८२ चैत्र १० |

रुपन्देहीको भैरहवामा छिमेकी महिलाको हत्या आरोपमा १५ वर्षीय किशोर पक्राउ परेका छन्।

रुपन्देहीको शुद्धोधन गाउँपालिका–१ सिसइचोककी ६० वर्षीया रेनु पटवाको कैंची प्रहार गरी हत्या गरेको आरोपमा प्रहरीले किशोरलाई नियन्त्रणमा लिएको हो।

लागूऔषधको लतका कारण पैसा अभाव भएपछि चोरी गर्न पसलमा छिरेको र विवाद हुँदा हत्या गरेको प्रारम्भिक बयान छ।

घटनापछि फरार रहेका उनलाई शनिबार पक्राउ गरिएको हो। जिल्ला अदालत रुपन्देहीबाट म्याद थप गरी कर्तव्य ज्यान मुद्दामा थप अनुसन्धान भइरहेको प्रहरीले जनाएको छ।