ज्ञवा संचार, पुस १९ – रुपन्देहीको देवदहस्थित घोडाहामा गएराति बस दुर्घटना हुँदा ६ जनाको मृत्यु भएको छ । दुर्घटनामा ४ जनाको घटनास्थलमै र २ जनाको उपचारको क्रममा मृत्यु भएको ईप्रका बुटबलले जनाएको छ ।
नारायणघाटबाट नेपालगंजको लागी छुटेको ना४ख ६८४१ नम्बरको बस दुर्घटनामा परेको हो । बस जंगलमा अनियन्त्रित भई दुर्घटनामा परेको बताइएको छ । बस दुर्घटनामा १६ जना घाईते भएका छन् भने ४ जनाको अवस्था गम्भीर रहेको ईप्रका बुटवलले जानकारी दिएको छ ।
दुर्घटनामा ज्यान गुमाउने रुपन्देही देवदेहकी ३५ वर्षिया शान्ति दर्जी, बर्दिया तारातालका २२ वर्षिय कुशल शर्मा, कञ्चनपुर भिमदत्त नगरपालिका ५ का ३५ वर्षिय प्रकाश शाही र बाराका ३२ वर्षिय चुरक शाहको सनाखत भएको जिप्रका रुपन्देहीले बताएको छ ।
दुर्घटनामा सामान्य घाइते २४ जना अञ्चल अस्पतालमा उपचार पछि घर फर्किएका छन भने गम्भीर ४ जनाको थप उपचारका लागि भरतपुर रिफर गरिएको छ । बसमा ४३ जना सवार रहेको जिप्रका रुपन्देहीले जनाएको छ ।