ज्ञवा संचार,माघ २ । गुल्मीको ज्ञवाक्षेत्रमा जन्मिएर रुपन्देहीको बुटवललाई कर्मथलो बनाएका सन्तोष पौड्याल मोफसलको मोडलिंग क्षेत्रमा एउटा परिचित नाम हो | अध्ययन र बैंकिंग पेशासंगै मोडलिंगलाई आफ्नो करियर रुपमा अघि बढाएका पौड्याल अहिले गायन क्षेत्रमा पनि प्रवेश गरेका छन् |
दर्जन भन्दा बढि लोक तथा दोहोरी गीतहरुमा मोडलिङ गरिसकेका उनले हालै 'तिम्रै यादमा' नामक गीति एल्बममा आफ्नै सब्दलाई स्वरमा उतारेका छन् | उक्त एल्बममा चर्चित लोक गायिका देवि घर्तिले पनि स्वर दिएकी छन् |
उक्त एल्बमलाई विन्ध्यावासिनी म्यूजिक प्रा.लिले भर्खरै बजारमा सार्बजनिक गरेको छ | सन्तोषसंगै आशा खड्काको अभिनय रहेको उक्त एल्बममा समाबेश गीतहरुलाई कपिल लामाले निर्देशन गरेका छन् | उक्त एल्बममा सन्तोष बास्तोलाले लय र बिनोद पराजुलीले एरेन्जमा साथ दिएका छन् | त्यस्तै चर्चित क्यामेरामेन राजेश घिमिरेले दृश्यमा सघाएका छन् |
पौड्यालले मन्दिरमा बस्ने देउता, यसपाली दशै लगायत थुप्रै चर्चित गीतहरुमा मोडलिङ गरीसकेको ज्ञवा संचारलाई उनी स्वयम बताउछन | आफ्नो पहिलो एल्बमलाई सवै श्रोता र दर्शकहरुले मन पराईदिने उनले आशा व्यक्त गरेका छन् ।